Íslensk verðbréf hafa tekið saman upplýsingar um helstu atriði sem viðskiptavinir spyrja um. Við hvetjum áhugasama til að koma ábendingum um umbætur til okkar á netfangið iv@iv.is eða með símtali í 460-4700.
Hvað er eignastýring?
Í grunninn felur eignastýring í sér að viðskiptavinur felur Íslenskum verðbréfum umsjá eignasafns síns innan fjárfestingarstefnu sem samþykkt er í upphafi stýringar. Hlutverk Íslenskra verðbréfa er að fjárfesta innan fjárfestingarstefnu á hverjum tíma með það að markmiði að hámarka ávöxtun viðskiptavinar. Nánari upplýsingar um eignastýringu ÍV er að finna hér.
Hvað er umsýsluþóknun?
Umsýsluþóknun er greidd fyrir eignastýringu. Umsýsluþóknun fyrir 10-20 milljón króna (mkr.) safn er 0,50% á ári, fyrir 20-50 mkr. safn 0,4% á ári og fyrir 50 mkr. og hærra er umsýsluþóknunin 0,3% á ári.
Hvað er viðskiptaþóknun?
Þóknun fyrir kaup og sölu hlutabréfa er 1% og er lágmarksþóknun kr. 3000.
Þóknun fyrir kaup og sölu víxla og skuldabréfa er á bilinu frá 0,25% til 0,6%. Fer þóknunin eftir eðli bréfanna, þ.e hvort þau eru ríkistryggð eða ekki og einnig eftir lánstíma bréfanna. Lágmarksþóknun er kr. 3000.
Fyrir aðila í eignastýringu er veittur 50% afsláttur af mismun á kaup- og sölugengi verðbréfasjóða og fjárfestingasjóða. Þegar fært er á milli sjóða er veittur 75% afsláttur . Aðilar í eignastýringu fá afslátt af viðskiptum með hlutabréf og skuldabréf.
Hvað er verðbréfasjóður?
Verðbréfasjóður er safn skuldabréfa, hlutabréfa eða annarra auðseljanlegra verðbréfa. Fjárfestar geta keypt hlutdeildasrskírteini í slíkum verðbréfasjóðum og eignast þar með hlut í mörgum tegundum verðbréfa.
Hver er lágmarksupphæðin sem ég get fjárfest fyrir?
Lágmarksupphæð fyrir einstök kaup í sjóðum ÍV er kr. 3.000,- Lágmarksupphæð fyrir áskrift í sjóðum ÍV er kr. 3.000,- Jafnframt er viðskiptavinum boðið upp á eignastýringu þar sem hægt er að velja um fimm fjárfestingarleiðir. Lágmarksfjárhæð fyrir slíka þjónustu er 1,5 mkr.
Get ég keypt sjóði í áskrift?
Hægt er að kaupa áskrift að sjóðum Íslenskra verðbréfa. Lágmarksupphæð á mánuði er kr. 3.000. Hvenær mánaðarins innborgunin á sér stað og tíðni innborgana ræðst alfarið af óskum viðskiptavinar. Smelltu hér til að fjárfesta eða skrá í áskrift.
Hvað er áhættudreifing?
Þegar fjárfest er í verðbréfum margra fyrirtækja/skuldara er áhættunni með fjárfestingunni dreift á mörg félög. Ef verð á einu bréfi í stóru safni lækkar mikið hefur það ekki eins mikil áhrif á heildarsafnið og það hefði gert ef fjárfest hefði verið í einu bréfi.
Hver er munurinn á verðtryggðum og óverðtryggðum innlánum?
Verðtryggð innlán bera almennt lægri vexti en óverðtryggð innlán en þó bætast verðbætur við mánaðarlega í samræmi við verðbólgu viðkomandi mánaðar (getur einstaka sinnum virkað til lækkunar). Með öðrum orðum halda verðtryggðir innlánsreikningar verðgildi sínu þrátt fyrir verðlagshækkanir.
Vilt þú bæta við spurningu? Sendu okkur línu á iv@iv.is.
