Um Stýrðan hlutabréfasjóð
Stýrður hlutabréfasjóður fjárfestir fyrst og fremst í félögum sem eru í úrvalsvísitölu Kauphallar Íslands, OMXI6. Vísitalan er samsett af félögum sem skráð eru á Aðallista.
Sjóðurinn endurspeglar vísitöluna ekki og hefur heimildir til að fjárfesta í öðrum hlutföllum eða öðrum félögum en vísitalan er samsett úr enda er sjóðurinn ekki vísitölusjóður í skilningi 36. gr. laga nr. 30/2003.
Eignum sjóðsdeildarinnar er stýrt með langtímaarðsemi að markmiði.
Sjóðurinn var starfræktur af Rekstrarfélagi SPRON hf. fram til 3. júní 2009.
Fjárfestingarstefna
Stýrður hlutabréfasjóður er sjóður sem ávaxtar fé með kaupum á eftirfarandi flokkum verðbréfa:
- Hlutabréf skráð í Kauphöll íslands (90-100%)
- Afleiður (0-20%)
- Óskráð verðbréf (0-10%)
- Innlán (0-10%)
Fyrir hverja?
Fjárfesting í Stýrðum hlutabréfasjóði hentar jafnt einstaklingum og fagfjárfestum sem vilja ná fram góðri dreifingu í hlutafjáreign sína og eru reiðubúnir að taka töluverða áhættu við ávöxtun fjármuna.
