Lausafjárstýring

Fyrirtæki, samtök, sjóðir og einstaklingar þurfa að ávaxta laust fé á sem öruggastan hátt og ráðstafa því með skömmum fyrirvara. Lausafjárstýring hentar aðilum með slíkar þarfir. Fjárfestingakostir hafa misjafna eiginleika og skilvirk samsetning eignasafns er lykilatriði í áhættu- og fjárstýringu.

ÍV Eignastýring býður upp á sérgreinda og virka stýringu lausafjár viðskiptavina sinna. Eðli og umfang stýringar og upplýsingagjöf er sérsniðin að þörfum hvers og eins viðskiptavinar.

ÍV Skammtímasjóður er hentug leið til lausafjárstýringar þar sem eign í sjóðnum er ávallt laus næsta virka dag án kostnaðar. Sjóðurinn, sem er fjárfestingarsjóður, fjárfestir að meirihluta í innlánum fjármálastofnana og í krafti stærðar hans eiga viðskiptavinir möguleika á að ná betri ávöxtun á innlánamarkaði.