Fáðu meira úr sparnaðinum - fjárfestu í sjóðum

Sjóðir Íslenskra verðbréfa hafa skilað góðri ávöxtun og geta viðskiptavinir treyst því að farið sé með fjármuni þeirra af virðingu

Viðskiptavinir VÍS greiða ekki kaup-og söluþóknun af sjóðaviðskiptum að auki er afgreiðslugjald afnumið

Fjárfesting í sjóðum 
skilar umframárangri

Fjárfestingar í verðbréfum hafa almennt skilað hærri ávöxtun en hefðbundnir innlánsreikningar til lengri tíma. Sjóðastýring býður upp á þægilega leið til að taka þátt í verðbréfamarkaði og jafnframt dreifa áhættu með því að fjárfesta í fjölbreyttum eignum. 

Hér fyrir neðan má sjá samanburð á ávöxtun sjóða Íslenskra verðbréfa og hefðbundinna innlánsreikninga ef fjárfest hefði verið fyrir eina milljón kr. fyrir 10 árum síðan.

*10 ára uppsöfnuð ávöxtun frá 30.4.2015 – 30.4.2025

*Ávöxtun fortíðar er ekki ávísun á framtíðarávöxtun

**Innlánsreikningar eru almennir sparnaðarreikningar samkvæmt www.sedlabanki.is til 31.3.2019 en frá þeim tímapunkti til 30.4.2025 er um að ræða innlánsvextir hjá Auði, Kviku banka.

Einfalt er að stofna til viðskipta í gegnum verðbréfavef Íslenskra verðbréfa í örfáum skrefum 

Sparnaður í áskrift er einföld og hentug leið til að byggja upp framtíðarsjóð – hvort sem er fyrir börnin, útborgun í íbúð eða önnur markmið. Það er ekkert lágmark á þá fjárhæð sem lögð er inn, og því fyrr sem byrjað er að spara reglulega, því meiri verður uppsöfnuð ávöxtun yfir tíma. 
Hægt er að stofna vörslusafn fyrir börn á einfaldan hátt á verðbréfavef Íslenskra verðbréfa. 
Með því að gera sparnað að reglulegum hluta af útgjöldum verður auðveldara að ná markmiðum til lengri tíma. 

Traust, reynsla og langtímaárangur fyrir viðskiptavini félagsins. Íslensk verðbréf hafa á að skipa reynslumiklum sjóðstjórum sem hafa starfað á innlendum og erlendum fjármálamörkuðum í áratugi. 

Árangur afurða félagsins hefur verið góður og árangur sjóðstjóra félagsins hefur verið góður. Sjóðir ÍV hafa skilað stöðugum og áberandi góðum árangri á íslenskum markaði  

Fjármunir viðskiptavina eru ávaxtaðir af ábyrgð og virðingu, með langtímamarkmið að leiðarljósi.  

Þú getur alltaf haft samband við okkur og við munum aðstoða þig, hvort sem er að fara yfir hvaða sjóðir henta þér eða byggja upp reglulegan sparnað. Sendu okkur linu á iv@iv.is eða heyrðu í okkur í síma 460 4700

Sjóðurinn er rekinn af Íslenskum verðbréfum og sér sjóðstjóri um að stýra fjármununum og ávaxta þá samkvæmt fjárfestingarstefnu sjóðsins. Með því að fjárfesta í sjóði er auðvelt að dreifa áhættu, þar sem sjóðurinn fjárfestir í mörgum mismunandi eignum.

Sjóðir taka við fjármunum frá mörgum fjárfestum. Hver fjárfestir getur lagt mismikið til og eignast hlutdeild í sjóðnum sem samsvarar fjárframlagi hans. Þegar þú kaupir hlut í sjóði, nýturðu góðs af ávöxtun sjóðsins, í hlutfalli við þína eign í sjóðnum.

Þegar þú velur sjóð þarf að huga að sparnaðarmarkmiðum þínum, til hversu langs tíma þú vilt fjárfesta og áhættuþoli (hversu miklar sveiflur í ávöxtun þú ert reiðubúin(n) fyrir). Sjóðurinn er rekinn af Íslenskum verðbréfum

Sjóðir eru misáhættusamir – hlutabréf sveiflast meira í verði til skemmri tíma en geta gefið hærri ávöxtun til lengri tíma. Skammtímasjóðir hafa minni sveiflur en skila venjulega lægri ávöxtun til lengri tíma. Þú velur þann sjóð sem hentar þínum markmiðum og áhættuþoli.

Ef þú ert að spara til lengri tíma getur verið gott að skoða skuldabréfasjóði, hlutabréfasjóði eða blandaða sjóði.

Það er ekkert lágmark á þá fjárhæð sem lögð er inn, og því fyrr sem byrjað er að spara reglulega, því meiri verður uppsöfnuð ávöxtun yfir tíma. Hægt er að stofna vörslusafn fyrir börn á einfaldan hátt á verðbréfavef Íslenskra verðbréfa. Með því að gera sparnað að reglulegum hluta af útgjöldum verður auðveldara að ná markmiðum til lengri tíma.

Sparnaður í áskrift er einföld og hentug leið til að byggja upp framtíðarsjóð – hvort sem er fyrirbörnin, útborgun í íbúð eða önnur markmið. 

 ÍV verður öflugt eigna- og sjóðastýringarfélag með hátt í 200 milljarða króna í stýringu.

SIV eignastýring sameinast ÍV sjóðum og verður Íslensk verðbréf 

Með sameiningu SIV eignastýringar og ÍV sjóða undir heitinu Íslensk verðbréf verður til öflugt eigna- og sjóðastýringarfélag með hátt í 200 milljarða króna í stýringu og starfsemi í Reykjavík og á Akureyri. 

Arnór Gunnarsson verður framkvæmdastjóri Íslenskra verðbréfa og Jón Helgi Pétursson rekstrarstjóri. Sameinað félag mun byggja á öflugu teymi sjóðstjóra frá SIV og ÍV sjóðum með áratuga reynslu í fjárfestingum, en starfsemi félagsins skiptist í eigna- og sjóðastýringu. Fjárfestingasafn VÍS trygginga verður sem fyrr í stýringu hjá eignastýringarsviði félagsins sem Arnór mun veita forstöðu en auk þess eru sérgreind söfn fyrir fagfjárfesta og stofnanafjárfesta í stýringu félagsins. Þorkell Magnússon mun veita sjóðastýringu forstöðu en félagið mun bjóða upp á fjölbreytta valkosti opinna og lokaðra sjóða fyrir almenna fjárfesta jafnt og fagfjárfesta. Íslensk verðbréf stefnir á frekari vöxt á innlendum eignastýringarmarkaði með hagsmuni viðskiptavina og langtímaárangur þeirra að leiðarljósi..

SIV eignastýring og ÍV sjóðir verða sameinuð og munu bera nafnið Íslensk verðbréf. Íslensk verðbréf verður því öflugt eigna- og sjóðastýringarfélag með um 200 ma.kr. í stýringu. Félagið verður dótturfélag Skaga og mun Arnór Gunnarsson verða framkvæmdastjóri félagsins og Jón Helgi Pétursson rekstrarstjóri, auk þess sem Einar Már Hólmsteinsson verður áhættustjóri sameinaðs félags. Arnór verður staðsettur á skrifstofu félagsins í Reykjavík en Einar og Jón Helgi á Akureyri. 

Hversu margir starfsmenn vinna hjá félaginu? 

Í sameinuðu félagi verða áfram tvö svið, eignastýring og sjóðastýring. Arnór Gunnarsson verður forstöðumaður eignastýringar en þar munu einnig starfa Guðmundur Oddur Eiríksson, Hreggviður Ingason, Ottó Biering Ottósson og Sveinn Torfi Pálsson. Arnór, Guðmundur og Hreggviður verða starfandi á skrifstofum félagsins í Reykjavík en Ottó og Sveinn á skrifstofum félagsins á Akureyri. Fjárfestingarsafn VÍS trygginga verður sem fyrr í stýringu hjá eignastýringarsviði félagsins en auk þess eru sérgreind söfn fyrir fagfjárfesta og stofnanafjárfesta í stýringu félagsins.  

Þorkell Magnússon verður forstöðumaður sjóðastýringar hjá Íslenskum verðbréfum og mun sviðið telja samtals sjö starfsmenn; Guðrún Una Valsdóttir, Halldór Andersen, Jón Rúnar Ingimarsson, Sigurður Ottó Þorvarðarson, Sævar Ingi Haraldsson, Þorkell Magnússon og Þorsteinn Ágúst Jónsson. Þorsteinn verður starfandi á skrifstofunni á Akureyri en aðrir starfsmenn sjóðastýringar á skrifstofunni í Reykjavík. 

Hvað verður um þá sjóði sem SIV eignastýring og ÍV sjóðir eru að reka í dag?  

Vöruframboð sameinað félags verður einfaldað með sameiningu þeirra sjóða sem hafa sambærilega fjárfestingarstefnu. Ekki verður breyting á sjóðstjórum afurðanna en nánari útfærsla á sameiningum sjóða verður tilkynnt þegar að því kemur.  

Opnir sjóðir fyrir almenna fjárfesta verða reknir undir nafni ÍV. Fagfjárfestasjóðir SIV eignastýringar verða áfram reknir undir nafni SIV.  

Hvenær mun samruni félaganna eiga sér stað? 

Samruni félaganna miðast við 01.01.2025, að því gefnu að samþykki fjármálaeftirlits Seðlabanka Íslands og staðfesting fyrirtækjaskrár Skattsins liggi fyrir. Sameining félaganna, og þar með sameining sjóða, mun eiga sér stað þegar samþykki fjármálaeftirlits SÍ liggur fyrir en gert er ráð fyrir að það verði undir lok fyrsta ársfjórðungs 2025 eða í byrjun annars ársfjórðungs 2025.  

Eru Fossar fjárfestingarbanki hluti af sameinuðu félagi Íslenskra Verðbréfa? 

Nei, Fossar fjárfestingarbanki og Íslensk verðbréf eru hvort um sig dótturfélag Skaga – áður Vátryggingafélags Íslands. Íslensk verðbréf munu þó áfram sjá um stýringu sérgreindra safna og eignaleiða hjá Fossum fjárfestingarbanka, líkt og SIV eignastýring gerði áður.  

Hvernig mun stúktúr félagsins líta út eftir sameiningu félaganna? 

Strúktúr Skaga að sameiningu SIV eignastýringar og ÍV sjóða lokinni má sjá á myndinni hér að neðan.  

Anna Kristjánsdóttir hefur verið ráðin sem sjóðstjóri til SIV eignastýringar.

Anna Kristjánsdóttir til SIV eignastýringar 

Anna Kristjánsdóttir hefur verið ráðin sem sjóðstjóri til SIV eignastýringar og kemur hún inn í kredit teymi félagsins. SIV eignastýring mun fljótlega sameinast ÍV sjóðum undir nafninu Íslensk verðbréf en félagið tilheyrir samstæðu Skaga. 

Anna hefur umtalsverða reynslu á eignastýringarmarkaði og hefur starfað við stýringu skuldabréfa- og lánasjóða frá árinu 2002. Síðastliðin 7 ár starfaði hún sem forstöðumaður skráðra og sérhæfðra skuldabréfa hjá Stefni þar sem hún leiddi þróun á sérhæfðum afurðum lána- og veðlánasjóða. Fyrir þann tíma var hún sjóðstjóri innlendra skuldabréfasjóða hjá Stefni um árabil en hún hóf ferilinn í Búnaðarbanka Íslands. Anna sat auk þess í stjórn Eikar fasteignafélags á árunum 2010 til 2013. 

Anna hefur lokið meistaragráðu í fjármálum (M.fin) frá Háskóla Íslands auk þess að vera viðskiptafræðingur (B.sc) frá Háskólanum í Reykjavík. Hún hefur jafnframt lokið prófi í verðbréfaviðskiptum.

Arnór Gunnarsson, framkvæmdastjóri SIV eignastýringar: 

„Það er okkur sönn ánægja að fá Önnu til liðs við okkur. Hún býr yfir víðtækri reynslu sem mun styrkja félagið enn frekar á þeirri spennandi vegferð sem framundan er. Anna gengur til liðs við öflugt kredit teymi félagsins þar sem við sjáum mikil tækifæri á innlendum kredit mörkuðum næstu misserin. 

Framundan er sameining SIV eignastýringar og ÍV sjóða undir nafni Íslenskra verðbréfa, sem mun skapa öflugt eigna- og sjóðastýringarfélag með 200 milljarða króna í stýringu. Með fjölbreyttu úrvali sjóða og sérhæfðri eignastýringu mun félagið veita viðskiptavinum sínum enn betri þjónustu og fjölbreytta fjárfestingakosti.“

Nú er hægt að fjárfesta í sjóðum SIV eignastýringar í gegnum heimasíðu félagsins. 

Það gleður okkur að segja frá því að nú er hægt að fjárfesta í sjóðum SIV eignastýringar í gegnum heimasíðu félagsins. 

Til þess að fjárfesta rafrænt þarf að nýskrá sig sem viðskiptavin SIV eignastýringar og fara í gegnum einfalt kaupferli.

Viðskiptavinir SIV eignastýringar fá 100% afslátt af gengismun vegna viðskipta með sjóði félagsins.

Öflugt eigna- og sjóðastýringarfélag með 15 starfsmenn

Sameinað félag Íslenskra verðbréfa hf. hefur starfsemi

Samþykkt var á aðalfundi SIV eignastýringar og ÍV sjóða 31. mars síðastliðinn að sameina starfsemi félaganna undir merkjum Íslenskra verðbréfa hf. Með samrunanum verður til öflugt eigna- og sjóðastýringarfélag með um 200 milljarða króna í stýringu og reynslumikið teymi fimmtán starfsmanna. 

Framkvæmdastjóri Íslenskra verðbréfa er Arnór Gunnarsson, sem stýrði SIV eignastýringu. Forstöðumaður sjóðastýringar er Þorkell Magnússon og Jón Helgi Pétursson, sem stýrði ÍV sjóðum, er rekstrarstjóri félagsins. Sameinað félag byggir á öflugu teymi sjóðstjóra frá SIV og ÍV sjóðum sem hefur áratuga langa reynslu af fjárfestingum og er með starfsstöðvar bæði í Reykjavík og á Akureyri. Íslensk verðbréf hf. eru í dag eitt dótturfélaga Skaga hf. ásamt VÍS tryggingum hf. og Fossum fjárfestingarbanka hf.

„Uppbygging á eigna- og sjóðastýringarstarfsemi samstæðu Skaga er nú komið í það horf að hægt er að sækja fram af fullum krafti undir merkjum Íslenskra verðbréfa. Við byggjum starfsemina á traustum grunni, erum með þekkt vörumerki, öflugt teymi og nýjar stoðir til að tryggja betri þjónustu og þróa vöruframboð í takti við þarfir og væntingar viðskiptavina hverju sinni. Lykillinn að því er fjölbreyttur hópur sérfræðinga með mikla reynslu af eigna- og sjóðastýringu, öflug stoðþjónusta og fjölbreytt sjóðaframboð sem mun höfða vel til viðskiptavina.“ 

Öflugt félag á íslenskum fjármálamarkaði

Félagið býður upp á fjölbreytt sjóðaframboð almenna fjárfesta og fagfjárfesta. Samtals reka Íslensk verðbréf 18 verðbréfasjóði og sérhæfða sjóði fyrir almenna fjárfesta. Auk hefðbundinna opinna sjóða rekur félagið jafnframt lokaðar afurðir fyrir fagfjárfesta á borð við kreditsjóði en slíkir sjóðir taka við fjármagni frá fjárfestum og lána til fyrirtækja. Eignastýringarsvið félagsins stýrir sérgreindum eignasöfnum fyrir fagfjárfesta og stofnanafjárfesta en stærsta safn í stýringu félagsins er fjárfestingasafn VÍS trygginga. 

Fáðu meira úr sparnaðinum - fjárfestu í sjóðum

Fjárfesting í sjóðum skilar umframárangri

Auðvelt að byrja

Sparnaður í áskrift

Treystu okkur fyrir fjármálunum

Vinsælustu sjóðirnir

Allt sem þú þarft að vita

Hvað er sjóður?

Hvaða sjóður hentar mér?

Sparnaður í áskrift