Hreinsitækni ehf. hefur keypt Varnir og Eftirlit ehf. fyrir milligöngu Íslenskra verðbréfa

Á myndinni má sjá, frá vinstri, Guðna Halldórsson ráðgjafa hjá Íslenskum Verðbréfum og Smára Sveinss…
Á myndinni má sjá, frá vinstri, Guðna Halldórsson ráðgjafa hjá Íslenskum Verðbréfum og Smára Sveinsson ásamt fulltrúm kaupanda þeim Björgvin Bjanasyni, Rögnvaldi Guðmundssyni, Jóni Þór Gunnarssyni og Hrafni Árnasyni.

Hreinsitækni ehf. hefur, fyrir milligöngu Fyrirtækjaráðgjafar Íslenskra verðbréfa, keypt allt hlutafé Varna og Eftirlits ehf. og hefur tekið við rekstri félagsins.

Með þessu breikkar Hreinsitækni þjónustuframboð sitt en að öðru leyti eru engar breytingar fyrirhugaðar á starfsemi fyrirtækisins eða þjónustu við viðskiptavini. Allir starfsmenn munu halda áfram eftir eigendaskiptin.

Varnir og Eftirlit er leiðandi fyrirtæki á sviði meindýravarna og -eftirlits í fyrirtækjum, stofnunum og heimahúsum. Fyrirtækið var stofnað árið 1999 og hefur frá stofnun verið í eigu Smára Sveinssonar og Ragnhildar Sigurðardóttur og hefur Smári verið framkvæmdastjóri fyrirtækisins frá upphafi. Segir Smári að hann hafi verið kominn að vissum tímamótum með fyrirtækið og fagni því að sjá það í góðum höndum. Jafnframt segist Smári hlakka til þess að halda áfram að þróa fyrirtækið og efla í samvinnu við nýja eigendur.

Hreinsitækni ehf. er leiðandi fyrirtæki á sviði þjónustu við holræsa- og skólphreinsikerfi. Félagið var stofnað árið 1976 og hefur starfað óslitið síðan.

Að sögn Björgvins Bjarnasonar framkvæmdastjóra Hreinsitækni sér félagið kaupin sem áhugaverðan lið í að bæta þjónustu við núverandi viðskiptavini beggja fyrirtækja, auk þess sem hann telji vera mikil færi til að þróa starfsemi Varna og eftirlits enn frekar í kjölfar kaupanna, en fyrirtækjaráðgjöf Íslenskra verðbréfa hafði milligöngu um þau eins og framar greindi.

Fyrirtækjaráðgjöf Íslenskra verðbréfa hafði milligöngu um kaupin og stýrði söluferlinu.

   

Björgvin Gestsson og Guðni Halldórsson í ÍV fyrirtækjaráðgjöf sem er staðsett í Hlíðarsmára 6, Kópavogi