MF1 slhf.

MF1 slhf. er fjárfestingafélag sem gefur fyrirtækjum kost á svokallaðri millilagsfjármögnun, sem er ný leið í fjármögnun fyrirtækja.  Íslensk verðbréf hf. er eignastýringaraðili MF1.

Um millilagsfjármögnun

Millilagsfjármögnum er almennt á síðari veðréttum en hefðbundin bankafjármögnun.  Ávöxtunarkrafan er hærri en hefðbundin bankafjármögnun en lægri en hlutafjárframlag eigenda.

Helstu kostir við millilagsfjármögnun MF1:

• Óháð stærri fjármálafyrirtækjunum
• Stýrt af aðilum með mikla reynslu á þessu sviði fjármögnunar
• Brúar bilið þar sem hluthafar hafa ekki svigrúm (eða kjósa aðrar leiðir) til að fjármagna skilyrði annarra lánveitenda, á fyrri veðréttum, um hærra eiginfjárhlutfall eða lægri skuldsetningu sinna lána
• Veitir möguleika á minni (engri) þynningu hluthafa í atkvæðavægi þar sem krafa um eiginfjárhlutfall er hærra
• Skapar möguleika til lækkunar vaxtakjara annarra lána sem fyrirtæki kunna að vera með
• Skattalega hagkvæmara en eiginfjármögnun þar sem vaxtakostnaður er frádráttarbær frá sköttum

Millilagsfjármögnun getur átt við í eftirfarandi tilfellum:

• Endurfjármögnun og/eða endurskipulagning rekstrar
• Fjárfesting í vexti, innri eða ytri
• Fjármögnun í yfirtökum
• Brúarlán

MF1 getur verið mikilvægur samstarfsaðili með hluthöfum fyrirtækja og fjármálastofnunum þar sem félagið býður öllum hagsmunaaðilum uppá frekari tækifæri, sveigjanleika og hagræði við fjármögnun.

Framkvæmdarstjóri MF1 er Gísli Valur Guðjónsson. Til að hafa samband við MF1 er hægt að senda senda tölvupóst á mf1@iv.is.