Stiklað á stóru í sögu Íslenskra verðbréfa

Íslensk verðbréf eru eitt elsta starfandi fjármálafyrirtæki landsins, stofnuð árið 1987.  Hér er stiklað á stóru í sögu félagsins.

1987

Forveri Íslenskra verðbréfa hf., Kaupþing Norðurlands hf., var stofnað 11. apríl. Félagið hefur rekstur að Ráðhústorgi 5 á Akureyri. Andrea Rafnar ráðin framkvæmdastjóri tímabundið en Jón Hallur Pétursson tekur við starfinu síðar á árinu. Pétur Blöndal er kjörinn formaður stjórnar. Starfsmenn eru 2, annar þeirra er Erla Hólmsteinsdóttir sem lét af störfum hjá félaginu á árinu 2008.

 

1988

Hluthafalisti er óbreyttur frá stofnun; Kaupþing á 55% hlut, Kaupfélag Eyfirðinga og Akureyrarbær 15% hvor aðili og 7 sparisjóðir á Norðurlandi eiga hver um sig 2-3%.

 

1989

Starfsemin flutt að Ráðhústorgi 1.

 

1990

Hlutafjárútboð fyrir ÚA og Sæplast í samstarfi við Kaupþing. Starfsmenn eru 3.

 

1991

Hlutabréfasjóður Norðurlands stofnaður. Guðmundur Hauksson kjörinn formaður stjórnar.

 

1992

Flutt í Kaupvangsstræti 2. Hlutafjárútboð fyrir KEA í samvinnu við Kaupþing.

 

1993

Hlutafjárútboð fyrir ÚA og Hlutabréfasjóð Norðurlands. Starfsmenn eru 4.

 

1994

Hlutafjárútboð fyrir KEA og Hlutabréfasjóð Norðurlands. Skuldabréfaútboð fyrir nokkur sveitarfélög á Norðurlandi. Starfsmenn eru 5.

 

1995

Félagið fær löggildingu sem verðbréfafyrirtæki og gerist aðili að Verðbréfaþingi Íslands. Starfsmenn eru 6.

 

1996

Sjávarútvegssjóður Íslands stofnaður. Starfsmenn eru 8.

 

1997

Starfsemin flutt í Skipagötu 9. Tryggvi Tryggvason ráðinn framkvæmdastjóri. Bjarni Ármannsson kosinn formaður stjórnar en Sigurður Einarsson tekur við af honum síðar á árinu. Starfsmenn eru 10.

 

1998

Aukin áhersla lögð á eignastýringu. Kaupþing Norðurlands er vinsælasta verðbréfafyrirtækið hjá íbúum utan höfuðborgarsvæðisins, samkvæmt könnun. Þorvaldur Lúðvík Sigurjónsson ráðinn framkvæmdastjóri. Starfsmenn eru 11 og eignir í stýringu nema 800 milljónum króna.

 

1999

Sparisjóður Norðlendinga eignast meirihluta í félaginu. Jón Björnsson kosinn formaður stjórnar. Sævar Helgason ráðinn framkvæmdastjóri. Tækifæri hf. stofnað að frumkvæði Íslenskra verðbréfa. Starfsmenn eru 15.

 

2000

Nafni félagsins breytt í Íslensk verðbréf. Ákveðið að eignastýring verði aðalstarfssvið félagsins. Starfsmenn eru 16 og eignir í stýringu nema 5 milljörðum króna.

 

2001

Lífeyrissjóður Norðurlands kaupir 15% hlut í félaginu. Kári Arnór Kárason kosinn formaður stjórnar. Starfsmenn eru 16 og eignir í stýringu nema 15 milljörðum króna.

 

2002

Starfsemin flutt í Strandgötu 3. Skuldabréfasjóður ÍV, Ríkisskuldabréfasjóður ÍV og Hlutabréfasjóður ÍV stofnaðir. Starfsmenn eru 16 og eignir í stýringu nema 25 milljörðum króna.

 

2003

Peningamarkaðssjóður ÍV og Heimssjóður ÍV stofnaðir. Félagið semur um rekstur á tveimur fjárfestingarfélögum á Austfjörðum. Starfsmenn eru 16 og eignir í stýringu nema 36 milljörðum króna.

 

2004

Starfsmenn eru 17 og eignir í stýringu nema 56 milljörðum króna.

 

2005

Íslensk eignastýring ehf. kaupir 35% hlut í félaginu. Alþjóðlegur skuldabréfasjóður ÍV stofnaður. Starfsmenn eru 16 og eignir í stýringu nema 75 milljörðum króna.

 

2006

Starfsmenn orðnir 18 talsins og eignir í stýringu nema 90 milljörðum króna.

 

2007

Íslensk verðbréf fagna 20 ára afmæli og besta rekstrarári í sögu félagsins. Alþjóðlegur hávaxtasjóður ÍV stofnaður. Starfsmenn eru 18 talsins og markmið ársins að eignir í stýringu fari yfir 100 milljarða króna.

 

2008

Fjármálakreppa skellur á hér heima og erlendis.  Í árslok eru eignir í stýringu um 80ma króna og Íslensk verðbréf skila hagnaði þrátt fyrir erfitt árferði.

 

2009

Íslensk verðbréf opna skrifstofu í Reykjavík að Sigtúni 42, fyrst um sinn eru tveir starfsmenn ráðnir til starfa þar.  Félagið er með um 95 milljarða króna í stýringu í árslok 2009 og hefur ekki fyrr náð þeirri upphæð.  Hagnaður félagsins árið 2009 nemur 166 mkr.

 

2010

Rekstur Íslenskra verðbréfa gengur vel á árinu 2010 og eignir í stýringu hafa aukist í 116 milljarða króna.  Hagnaður af starfsemi félagsins árið 2010 nemur 170 mkr.

 

2011

Framkvæmdastjóraskipti urðu á árinu þegar Einar Ingimundarson tók við af Sævari Helgasyni. Vegna breytinga á lögum um fjármálafyrirtæki þurfti einnig að endurnýja stjórn félagsins og voru þeir Magnúsi Gauti Gautason, Stefán Halldórsson og Halldór Halldórsson kjörnir til stjórnarsetu. Þrír sjóðir voru stofnaðir, Eignastýringarsjóður ÍV – I og II og Sparisafn ÍV. Hagnaður af starfsemi félagsins var 162,8 m.kr. og eignir í stýringu 130 milljarðar króna í árslok.

Fyrsta húsnæðið
Kaupvangsstræti 2, aðsetur félagsins á
árunum 1992 til 1997

 

3_saman_640
Friðrik Friðriksson, Sigrún Skarphéðinsdóttir og Sveinn Torfi Pálsson

 

bjarni_armanns_ofl_640
Framkvæmdastjóri ásamt stjórn 1997

 

margir_vid_skrifbord_640
Starfsmenn ÍV á 10 ára afmæli félagsins árið 1997

 

gomul_mynd_640
Nokkrir starfsmenn ÍV árið 1998

 

s6tfe6w_640
Sævar Helgason og Sveinn Torfi Pálsson árið 1999

 

opnun_kn_218_640
Arnar Árnason, Guðmundur Baldvin Guðmundsson og Guðmundur Bjarnar Guðmundsson

 

halldor_og_saevar_640
Halldór Jónsson ásamt Sævari Helgasyni árið 2000, þegar nafni félagsins var breytt í Íslensk verðbréf hf.

 

ka_mot_25_640
Knattspyrnulið ÍV árið 2003

 

tveir_a_tali_640
Sveinn Torfi Pálsson ásamt Steinþóri Ólafssyni

 

kaldbaksferd_6_640
Nokkrir starfsmenn ÍV á leið á Kaldbak vorið 2006