Íslensk verðbréf er framúrskarandi fyrirtæki

Íslensk verðbréf er eitt af framúrskarandi fyrirtækjum ársins 2013 skv. greiningu Creditinfo á íslenskum fyrirtækjum. Eingöngu koma til greina þau fyrirtæki sem staðist hafa styrkleikamat Creditinfo og uppfylla ströng skilyrði sem lögð eru til grundvallar við greiningu á framúrskarandi fyrirtækjum. Skilyrðin eru eftirfarandi:

• Að hafa skilað ársreikningum til RSK fyrir rekstrarárin 2010 til 2012
• Minna en 0,5% líkur á alvarlegum vanskilum
• Að sýna rekstrarhagnað (EBIT) þrjú ár í röð
• Að ársniðurstaða sé jákvæð þrjú ár í röð
• Að eignir séu 80 milljónir kr. eða meira rekstrarárin 2010 til 2012
• Að eigið fj árhlutfall sé 20% eða meira, rekstrarárin 2010 til 2012
• Að vera með skráðan framkvæmdastjóra og stjórnarmenn í hlutafélagaskrá
• Að vera virkt fyrirtæki skv. skilgreiningu Creditinfo

Íslensk verðbréf hf er á meðal 1,5% íslenskra fyrirtækja sem uppfylltu þessi skilyrði á árinu 2013 og er í 10. sæti meðal meðalstórra fyrirtækja.