Vikulegar markaðsfréttir Íslenskra verðbréfa
Vikulega birta Íslensk verðbréf samantekt um þróun helstu eignaflokka undanfarna viku. Smelltu hér ef þú vilt skrá þig á listann.
Innlend skuldabréf
Löng verðtryggð skuldabréf hækkuðu um 0,64% og millilöng verðtryggð skuldabréf hækkuðu um 0,5%. Löng óverðtryggð skuldabréf lækkuðu um 1,59% en millilöng óverðtryggð skuldabréf hækkuðu um 0,2%.
Í vikunni var mikil eftirspurn eftir stystu RB flokkunum vegna gjalddaga RB12 sem var á föstudaginn. Ennfremur var mikil eftirspurn eftir lengsta RB flokknum. Þar voru trúlega lífeyrissjóðir á ferð en þeir eiga yfir 80% af flokknum.
SÍ hélt stýrivöxtum óbreyttum og jafnframt var frekar mildur tónn í yfirlýsingu þeirra og umfjöllun eftir vaxtaákvörðunina. Næsti ákvörðunardagur stýrivaxta er 3. október.
Innlend hlutabréf
OMXI6ISK vísitalan lækkaði um 0,92% í vikunni. Mest lækkuðu bréf Haga, um 2,70%. Icelandair var eina félagið sem hækkaði, og nam hækkunin 1,28%.
Fasteignafélagið Reginn hf. mun birta uppgjör fyrir annan ársfjórðung 31. ágúst n.k. og verður þá síðasta félagið í OMXI6ISK vísitölunni með eðlilegan uppgjörstíma til að birta uppgjör fyrir annan ársfjórðung, en Hagar birta uppgjör fyrir annan ársfjórðung í lok október.
Reginn kom á markað í byrjun júlí á þessu ári og hefur farið frekar rólega af stað. Félagið hefur hækkað um 1,22% en að margra mati kom það of dýrt á markað sem getur skýrt litla hækkun frá skráningu. Ef horft er til félaga sem hafa verið skráð á markað eftir hrun má nefna Haga sem var skráð í desember á síðasta ári og hefur hækkað um 33%. Icelandair var með hlutabréfaútboð undir lok árs 2010 og hefur hækkað um 184% síðan.
| Félög/vísitala | Lokagildi | Vika | 1 mán | 3 mán | 6 mán | Frá áram. | 12 mán |
| BNORDIK | 68,00 | 0,00% | -2,86% | -9,33% | 6,25% | -16,05% | -34,62% |
| HAGA | 18,00 | -2,70% | -1,10% | -4,76% | 4,65% | 10,09% | 12,85% |
| ICEAIR | 7,11 | 1,28% | 6,92% | 9,72% | 29,51% | 41,35% | 32,65% |
| MARL | 140,00 | -1,75% | -9,39% | -10,54% | 1,08% | 11,55% | 14,75% |
| OSSRu | 199,00 | 0,00% | -4,53% | -5,66% | 6,38% | 8,11% | 2,04% |
| Reginn | 8,30 | -0,48% | 0,61% | 0,00% | 0,00% | 1,22% | 1,22% |
| OMXI6ISK | 999,01 | -0,92% | -5,00% | -6,71% | 3,17% | 9,82% | 5,83% |
(Verðbreyting í viðkomandi mynt, Nasdaq OMX Nordic, 24. ágúst 2012)
Erlend hlutabréf
Í vikunni lækkuðu allar viðmiðunar vísitölur okkar. Heimsvísitalan MSCI lækkaði um 0,34%, DAX í Þýskalandi um 0,99%, S&P500 í Bandaríkjunum um 0,5% og Nikkei í Japan um 1%.
Þrátt fyrir að S&P500 hafi lækkað um 0,5% í vikunni náði vísitalan hæsta gildi sínu frá því í maí 2008 þegar hún fór í 1.424,58 stig innan dagsins á þriðjudaginn. Vísitalan hefur hækkað um 19,91% á sl. 12 mánuðum. Vísitalan hefur rétt úr kútnum frá því í júní, en þá hafði hækkun ársins gengið til baka, en nú nemur hækkun frá áramótum 12,21%.
Enn er það skuldakreppan í Evrópu sem talin er helsta skýringin á lækkun hlutabréfa um heim allan. Vísitala innkaupastjóra (e. Purchasing Managers Index) gefur vísbendingar um að evrusvæðið stefni í annað samdráttarskeið, sem verður þá í annað skiptið á þremur árum, en reiknað er með að pantanir iðnfyrirtækja í aðildarríkjum evrunnar muni dragast saman um 0,5-0,6% á þessum ársfjórðungi.
| Vísitölur | Lokagildi | Vika | 1 mán | 3 mán | 6 mán | Frá áram. | 12 mán |
| Heimsvísitala (MSCI) | 1285,84 | -0,34% | 2,87% | 8,18% | -0,94% | 8,73% | 10,56% |
| Þýskaland (DAX) | 6971,07 | -0,99% | 4,22% | 9,96% | 1,78% | 18,19% | 25,90% |
| Bretland (FTSE) | 5776,60 | -1,26% | 2,65% | 7,94% | -2,35% | 3,67% | 12,61% |
| Frakkland (CAC) | 3433,21 | -1,55% | 4,56% | 12,52% | -0,34% | 8,54% | 11,08% |
| Bandaríkin (Dow Jones) | 13057,46 | -0,81% | 0,63% | 5,65% | 1,36% | 7,70% | 16,60% |
| Bandaríkin (Nasdaq) | 3069,79 | -0,22% | 3,78% | 8,19% | 3,49% | 17,84% | 23,79% |
| Bandaríkin (S&P 500) | 1411,13 | -0,50% | 1,82% | 7,08% | 3,18% | 12,21% | 19,91% |
| Japan (Nikkei) | 9070,76 | -1,00% | 6,06% | 5,89% | -5,69% | 7,45% | 3,27% |
| Samnorræn (VINX) | 99,87 | -2,32% | 3,12% | 13,34% | 1,40% | 14,68% | 25,81% |
| Svíþjóð (OMXS30) | 1058,58 | -3,01% | -0,07% | 7,51% | -3,16% | 7,20% | 17,10% |
| Noregur (OBX) | 400,83 | -1,85% | 2,21% | 11,46% | 1,76% | 12,74% | 21,11% |
| Finnland (HEX25) | 2031,19 | -0,99% | 6,52% | 9,54% | -8,17% | 6,24% | 9,08% |
| Danmörk (KFX) | 487,55 | -1,28% | 1,27% | 10,18% | 8,86% | 25,43% | 45,09% |
(Verðbreyting í viðkomandi mynt, Bloomberg, 24. ágúst 2012)
Krónan
Gengisvísitala krónunnar var í lok vikunnar í 210,55 stigum og hækkaði um 1,8% í vikunni. Eftir nokkuð stöðuga styrkingu yfir sumarið hefur þróunin snúist við og hefur krónan veikst flesta daga frá 8. ágúst.
Peningastefnunefnd Seðlabanka Íslands ákvað að halda vöxtum óbreyttum. Fram kemur í Peningamálum Seðlabankans að laust taumhald peningastefnunnar á undanförnum misserum hafi stutt við efnahagsbatann og að eftir því sem slaki hverfi úr þjóðarbúskapnum sé nauðsynlegt að slaki peningastefnunnar hverfi einnig.
| Vísitala | Lokagildi | Vika | 1 mán | 3 mán | 6 mán | Frá áram. | 12 mán |
| GVT ISK | 210,55 | 1,79% | -0,59% | -6,12% | -7,19% | -3,10% | -3,75% |
(Gengisvísitala krónunnar, Seðlabankinn, 24. ágúst 2012)
Fyrirvari
Markaðsfréttir Íslenskra verðbréfa eru unnar af starfsmönnum Íslenskra verðbréfa hf. Þær eru stutt samantekt og ber ekki að líta svo á að í þeim sé að finna allar tiltækar upplýsingar um þau viðfangsefni sem til umfjöllunar eru.
Við vinnslu fréttanna er stuðst við innlendar og erlendar upplýsinga- og fréttaveitur sem taldar eru áreiðanlegar, en einnig við opinberar upplýsingar, eigin úrvinnslu og mat starfsmanna á hverjum tíma. Íslensk verðbréf hf. ábyrgjast þó ekki nákvæmni upplýsinganna, áreiðanleika eða réttmæti þeirra.
Markaðsfréttirnar eru einungis birtar í upplýsingaskyni og skal því ekki litið á þær sem ráðleggingu/ráðgjöf um að ráðast eða ráðast ekki í tiltekna fjárfestingu eða tilboð um að kaupa, selja eða skrá sig fyrir tilteknum fjármálagerningum.
Ábyrgðarmaður Vikulegra markaðsfrétta Íslenskra verðbréfa er Björn Snær Guðbrandsson, forstöðumaður eignastýringar.